Die ganzi Fuehr het ca. 1260t und isch 40 x 40m gross. De Wäg vom alte zu neue Standplatz betreit ca. 5km. Zudem sind verschiedeni Stiegige z überwinde, den de alt Standort isch uf emene Hügel gsie und am neue Ort isch au es höchrs Plateu für d Chile gschaffe worde. Hüt und Morn sind sie underwägs und drum une isch es Stadtfest im Gang mit verschiedene Veranstaltige und Darbietige. Alles zahlt vo der Miene LKAB.
Für de Umzug vo de Chile händ ca. 45Mio Euro ufgwändet. De ganzi Umzug vo ca. 1/3 vo de Stadt wird ca. ein Jahresgwünn vo de Miene choschte. Du muesch gse, die tüend jede Tag und das 365 Täg im Johr je ca. 60’000t fast reins Ise vo Kiruna nach Narvik liefere! Da d Miene em Staat ghört got de ganzi Gwünn id Staatskasse. De Abbau erfolgt under Tag, aktuell uf ca. 1300m underem Bode! Das isch eini vo de gröschte Holzchile in Europa. Das isch es Kulturdänkmol. Mi het sich Gedanke gmacht se zerlege und am neue Ort wierder ufzbaue, das hätti aber zlyng duret und hätti grad bim Alterbild vermuetlich zu der Zerstörig gführt wil das direkt ufd Holzwand gmolet worde isch. Isch bi witem nid s einzige Gebäude wo so verschobe worde isch. Insgesamt sicher fasch 20 Gebäude in Kiruna und Malmberget verschobe worde.
Do en Link zur der Chirchverschiebig: Kirche Kiruna
Für die Technikinteressierte Informationen zu des Transportfahrzüg: Mammoet (SPMT)
